منتدي خدمات الكمبيوتر المراكبي نت و صناعة الشموع والرسم على الزجاج
 
البوابةالرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول
الرسم على الزجاج في المراكبي نت وتسوق عبر النت معاها وديكور بيتك معانا هنا ادخل بسرعه
تجمع اسطول المراكبي الي موقع المراكبي نت
نقدم اجمل اهداء للموقع المراكبي نت لانه فيه كل جديد من برامج وحوارات مهمة
http://azharitv.net/index رابط الموقع

شاطر | 
 

 مذكرات زوج سعيد جدااا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النمرالاسود
النمر الاسود
النمر الاسود
avatar

عدد الرسائل : 267
العمر : 37
الموقع : 0127885278
تاريخ التسجيل : 07/01/2008

مُساهمةموضوع: مذكرات زوج سعيد جدااا   الأربعاء يناير 16, 2008 6:51 pm

مذكرات زوج سعيد جدااا


بتضحك على ايه؟
لا والله ده مش عنوان رواية من روايات الخيال العلمى....
أنا فعلا زوج سعيد
عارف ليه؟
عشان مراتى مش هنا....أخدت الولاد معاها عشان تزور امها وسابتنى لوحدى
عرفت ليه أنا زوج سعيد؟.....
عشان أنا زوج من غير زوجة....
زوج حررررررر


ومنسيتش طبعا اتظاهر بالحزن وأنا بودعها واتحايل عليها انها ترجع بسرعة,لا وكمان زودتها وطلعت منديل ومسحت بيه دمعة وهمية من على خدى....
انا حر..انا حر.....

دلوقتى بس بعد عشر سنين جواز,هاقدر أسهر مع صحابى فى قهوة من غير مادور على كذبة اقنع بيها مراتى-العزيزة-ومن غير ماخد كلمتين حلوين عشان قلقتها عليا
دلوقتى بس ممكن أكل الأكل اللى يعجبنى من غير ما مراتى تقول عليا متخلف وجاهل...
وبالنسبة للاكل كل الى انا عايزه انى اكل اى أكل زى اللى البشر بياكلوه
أصل مراتى خبيرة فى طبخ الأصناف الغير معروفة,مرة تطبخ صنف سمك مقلى على قلقاس محروق وتتهمنى بالجهل عشان معرفتش انه مكرونة بالفرن...
ومرة تتحفنا بطبق كبير فى حتت خضرا وعليها نقط حمرا مخيفة وتعلن بكل فخر ان (البتاع )ده دجاج محشى,من غير ماعرف انه الدجاج وأنه الحشو-وعمرى ما قدرت أسألها طبعا-.
وعمرى ماهنسى اليوم لما حبيت أمدح فى طبيخها فبصيت على طبق ضخم لاقيته ادامها فى المطبخ وقعدت أقول فيه شعر
-ايه يا حبيبتى الذوق الرفيع ده ده انا هتخن اوى كدة يا حبيبتى من كتر الأكل
.لقيتها بتلطم على وشها وبتشبهنى ببعض الشخصيات من برنامج (عالم الحيوان)وبتقولى ان الأكل الى عاجبنى ده (سلة الزبالة)
طب والنبى أنا هعرف منين....
ودايما بتشتكى ان أنا زوقى وحش فى الهدوم أصل مراتى-العزيزة برده-غاوية مجلات الموضة
ومرة قررت اثبت لها ان انا راقى ومتحضر فانتهزت فرصة انها كانت لابسة فستان جديد
-ايه يا حبيبتى الفستان التحفة ده ,ايه الذوق ده ,انا بحب اللون ده قوى ولا القماش ال....
فجأة سمعت صوت صويت -احم- عرفت فى الاخر ان الفستان التحفة ده هو مريلة مطبخ....
ومن يومها وأنا عمرى ماقلت رأيى فى اى حاجة...
بس دلوقتى خلاص...أنا حر يا جدعان

ملحوظة:القطر اتعطل على بعد خمسة كيلو و السفرية اتلغت ,فرجعت المدام وشافت الورق ده...
هى الحتة ضلما كدة ليه
مش عارف ايه الى حصلى بس الدكاترة بيقولو ان ذاكرتى هترجعلى ان شاء الله...
توقيع:-
زوج سعيد قصدى تعيس جدا

مستششفى دمياط قسم نكد الزوجات

عنبر الكسور والطوارىء
__________________
بس على فكره انا مش متجوز

ده الى هايحصل بعد الزواج بس برضه مش معاى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مذكرات زوج سعيد جدااا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المراكبي نت :: القسم العام :: منتدي الشعر والخواطر-
انتقل الى: