الي حفيدتي

يا ست يا ستوته
يا ام كف صغنتوته

احب اشوفك أموره
تكتبي على السبوره
ماما وبابا
وتبوسي دي الصوره

أسمك منةالله يا عصفوره؟
الله عليك كتكوته
فرده جناحاتك غندوره

بالفرح أضمك وأبوسك
وادعي للفرح يطولك

يا ست يا ستوته
يا ام كف صغنتوته

قالوا منّه أموره
قلت منّه أحلى من الصوره

من كتابات الشاعر ة / عبلة محمد زقزوق
اشكرها جدا على كلمتاها البسيطة الجميلة

يا ست يا ستوته
يا منه يا كتكوته
تعالي في حضن قلبي
أحكيلك أجمل حدوته
***
كان فيه زمان يا منه
أموره في الحضانه
بشعر لونه حنه
و فيونكه برتقانه
كانت آخر شطارة
ترسم لنا بمهاره
قط و عصفورة خضرا
بتطير فوق العمارة
و في يوم صياد لمحها
برصاصته قام جارحها
راحت داوت جناحها
بحب و بطهاره
ماما باست جبينها
و باباها راح حاضنها
و كافأها لما شافها
بتعطف على الجريح
و وعدها بلعبة حلوه
و غنا لها أحلى غنوه
يا رب يا منه تبقي
زي الأموره ديه
و ساعتها رايح أجيب لك
علبة ألوان هديه
و عاوزك ترسميلنا
بحر و شطين و نخله
و جنينه فيها ورده
اسمها تيته عبله

الي الدكتور جمال مرسي
مشعني اننا نسينا رد او ذكر اسمك يبقي بنسرق اشعارك على العموم انا صلحت الخطاء لو عايز تشيله نهائي انا تحت امرك
بينتك اسماء
ادارة المنتدي