ليتني أقــدر و أشيل همك عنك !..

إحساس جعلكم ما تذوقونه
إنسان حبيته من كل قلبك .. و أغلى من قلبك عليك
اعتبرته أخو .. و أخت .. و صديق .. و روح أحيا بها لا راحت روحي
تحس إنه وصل قمة الحزن و الضيقه
!.. و أنت ما بيدك لا تودي و لا تجيب
ما عرفت أعبر عن اللي في خاطري
!.. بس
غايتي إنك تعيش و مهتني

ما أبي أنا قلبك همومه توجعه

ضاقت الدنيا عليك و شفتني
عطني الضيقه و خذ مني السعه

.. من كل قلبي يا قلبي
!.. ليتني أقــدر و أشيل همك عنك
!.. ليتني أقــدر و أنسيك نص وجعك
!.. و الله لا يلومك
.. اللي بقدر أقوله
حط جرحك وسط قلبي و استريح
و ارمي همومك علي و خلها
خل واحد مننا يصبح جريح
و واحد يعيش الحياة و يفلها
هو صحيح بتكثر جروحي صحيح
لكن جروحك من اللي يملها
بـ أختصار
وسع الصدر يا غلاهم
( : أدري ما تقدر .. بس حاول )
كل ضيقه تنفرج مهما تطول
لا يموت الصبر من زود القهر
نام باكر خير و همومك تزول
ما يفيد الدمع و أتعاب السهر
دنيتك هذي و لأيامك فصول
الحزن ساعه و أفراحك شهر
من كثر ما حبتك عيني بقول
لا تخاف إن ضامك بيوم الدهر