واقع لا ينتهى

بسم الله الرحمن الرحيم بقالى كتير مكتبتش حاجه لان كان وحى هو ملاك الحب.كلنا عارفين ان الحب شىء جميل جدا بس مش كل حاجه فى الحياة حب وبس لازم نفكر فى حاجات تانيه كتير عشان نقدر نعيش.بنات كتير اوى بتعيش فى قصص حب جميلة وهاديه بس فى الحرام مش فى النور ربنا مش راضى عنهم وبيعيشوا سنين فى الحب من غير مايتقدس الحب دا ويبتدى بداية بجد فى النور قصدى الزواج قبل مانفكر بقلوبنا لازم نفكر بعقولنا كتير من الازواج اللى كانوا على علاقة بزوجاتهم قبل الزواج بيشكوا فيهم وكتير منهم بيموت الحب الكبير اللى كان بينهم من ضغط الحياة ومسؤلياتها.بس صدقونى الحب الحقيقى هو اللى يبتدى صح وينتهى صح فى كل حاجه .الحب الحقيقى هو اللى يجى مع العشرة بعد الزواج واكيد الود بيتولد فى فترة الخطوبة مش شرط عشان نتجوز لازم نكون على علاقة بالشاب او الفتاة عشان ارتبط ونكمل مشوارنا مع بعض رفيق الحياة لازم يكون على خلق وعلى قدر من الثقافه الدينيه بلاش نقيد نفسنا بالفكرة دى لانها حضيع بناتنا وتؤدى بهم الى العنوسه وكل دا تحت راية الحب اللى بيكون فى الحرام بين الشاب والفتاة قبل الزواج ومش كلهم بيتجوزا فى اللى بيغدر ويخون وبيسرق حق مش من حقه وتضيع البنات المساكين وطبعا فهمين قصدى ايه. اقول للبنات بلاش تضيعى نفسك بكلمة اصل انا بحبه ومش حتجوز غيره لو قطعونى ابنى حياتك مع اللى ترضى دينه واخلاقه حتعيش سعيده وربنا حيبارك فى كل حاجه فى حياتك انما تروحى ورا الشيطان حتخسرى كل حاجه واولها عمرك اللى حيضيع منك. اقول للشباب اتقوا الله فى بنات الناس وادخل البيت من بابه ولو مش اد الدخوا بلاش تواعد البنات وتمشى معاهم وفى الاخر تقول اصل انتى مش حينفع تكونى ام لاولادى. لو قلبك فيه حب بسرعه توج الحب وزينه قدام الناس كلها فى النور مش فى الظلام... والسلام ختام